உலக சாம்பியன்ஷிப் பேட்மிண்டன் தொடரில் பி.வி.சிந்து, ஸ்ரீகாந்த் ஆகியோர் வெற்றி பெற்று 3-வது சுற்றுக்கு முன்னேறியுள்ளனர்.
26-வது உலகச் சாம்பியன்ஷிப் பேட்மிண்டன் போட்டி ஸ்பெயினில் உள்ள வெல்வா நகரில் நடைபெற்று வருகிறது. இதில் நேற்று நடந்த 2-வது சுற்று ஆட்டத்தில் மகளிர் ஒற்றையர் பிரிவில் இந்தியாவின் பி.வி.சிந்து , ஸ்லோவேக்கியா சேர்ந்த மார்டினாவை எதிர்கொண்டார்.
இதில் 21-7, 21-9 என்ற நேர் செட் கணக்கில் வெற்றி பெற்ற சிந்து 3-வது சுற்றுக்கு முன்னேறியுள்ளார். இதையடுத்து ஆடவர் ஒற்றையர் பிரிவில் நடந்த 2-வது சுற்று ஆட்டத்தில் இந்திய வீரர் ஸ்ரீகாந்த் சீனாவை சேர்ந்த லி ஷி பெங்கை எதிர்கொண்டார் . இதில் 15-21, 21-18, 21-17 என்ற நேர் செட் கணக்கில் வெற்றி பெற்ற ஸ்ரீகாந்த் அடுத்த சுற்றுக்கு முன்னேறியுள்ளார்.