உலக மகளிர் டென்னிஸ் சாம்பியன்ஷிப் தொடரில் முகுருஜா – கோன்டாவெய்ட் ஆகியோர் இறுதிப்போட்டியில் மோதுகின்றன .
‘டாப்-8 ‘வீராங்கனைகள் மட்டும் பங்குபெறும் உலக மகளிர் டென்னிஸ் சாம்பியன்ஷிப் போட்டி மெக்சிகோவில் குவாடலஜரா நகரில் நடைபெற்று வருகிறது. இதில் கலந்துகொண்ட 8 வீராங்கனைகள் இரண்டு பிரிவுகளாக பிரிக்கப்பட்டு லீக் சுற்றுப் போட்டிகள் நடைபெற்று வருகின்றன.இதில் நேற்று முன்தினம் நடந்த அரையிறுதி ஆட்டத்தில் ஸ்பெயின் நாட்டை சேர்ந்த முன்னாள் வீராங்கனை கார்பின் முகுருஜா,சக நாட்டு வீராங்கனையான பாலா படோசாவை எதிர்த்து மோதினார் .
இதில் 6-3, 6-3 என்ற நேர் செட் கணக்கில் வெற்றி பெற்ற முகுருஜா இறுதிப் போட்டிக்கு முன்னேறியுள்ளார். இதையடுத்து நடந்த மற்றொரு அரையிறுதி ஆட்டத்தில் எஸ்தோனியாவைச் சேர்ந்த அனெட் கோன்டாவெய்ட் , கிரீஸ் நாட்டை சேர்ந்த மரியா சக்காரியை எதிர்கொண்டார் . இதில் 6-1, 3-6, 6-3 என்ற நேர் செட் கணக்கில் வெற்றி பெற்ற அனெட் கோன்டாவெய்ட் இறுதி சுற்றுக்கு முன்னேறி உள்ளார். இதையடுத்து நடைபெறும் இறுதிப்போட்டியில் முகுருஜா – கோன்டாவெய்ட் பலப்பரீட்சை நடத்துகின்றன.