திருவள்ளூரில் உலக மக்கள் தொகை தினத்தையொட்டி திருவள்ளூர் மாவட்ட ஆட்சியர் அலுவலகத்தில் உறுதிமொழி ஏற்பு நிகழ்ச்சி நடந்தது.
உலக மக்கள் தொகை தினத்தையொட்டி திருவள்ளூர் மாவட்ட ஆட்சியர் அலுவலகத்தில் விழிப்புணர்வு உறுதிமொழி ஏற்கும் நிகழ்ச்சி நேற்று நடைபெற்றது . இந்நிகழ்ச்சிக்கு மாவட்ட வருவாய் அலுவலர் முத்துசாமி தலைமை தாங்கியுள்ளார் . இதையடுத்து நிகழ்ச்சியில் விழிப்புணர்வு உறுதிமொழியை அவர் வாசிக்க இதனை பின்தொடர்ந்து ஆட்சியர் அலுவலக ஊழியர்கள், பணியாளர்கள் ஆகியோர் உறுதிமொழி ஏற்றுக்கொண்டனர்.
இதன்பிறகு உலக மக்கள் தொகை தினத்தையொட்டி ஆட்சியர் அலுவலக வளாகத்தில் இருந்த விழிப்புணர்வு வாகனத்தை மாவட்ட வருவாய் அலுவலர் கொடி அசைத்து தொடங்கி வைத்துள்ளார். இந்நிகழ்ச்சியில் மாவட்ட ஆட்சியரின் நேர்முக உதவியாளர் (பொது)வித்யா, சுகாதாரப்பணிகள் துணை இயக்குனர் டாக்டர் பிரபாகரன், குடும்ப நல இயக்குனர் டாக்டர் இளங்கோவன், அலுவலக பணியாளர்கள் உட்பட பலர் கலந்து கொண்டனர்.