வருத்தப்படாத வாலிபர் சங்கம் 2 உருவாகுமா என்ற கேள்விக்கு நடிகர் சிவகார்த்திகேயன் பதிலளித்துள்ளார்.
நடிகர் சிவகார்த்திகேயன் தமிழ் சினிமாவின் முன்னணி நட்சத்திரங்களில் ஒருவராக வலம் வருகிறார். இவர் நடிப்பில் வெளியான படங்கள் அனைத்தும் ஹிட்டாகி இவருக்கென்று ஒரு தனி ரசிகர் பட்டாளமே உள்ளது. தற்போது இவர் நடிப்பில் டாக்டர் படம் வெளியாக இருக்கிறது.
இதற்கிடையே, நடிகர் சிவகார்த்திகேயன் நடிப்பில் 2013 ஆம் ஆண்டு வெளிவந்திருந்த படம் தான் ”வருத்தப்படாத வாலிபர் சங்கம்”. இந்த படத்தின் நகைச்சுவைக் காட்சிகள் அனைத்தும் ரசிகர்களின் பாராட்டைப் பெற்றன. மேலும், இந்த படத்தின் இரண்டாம் பாகம் இயக்க இருப்பதாக ஒரு தகவல் வெளிவந்தது.
இதற்கு பதிலளித்த சிவகார்த்திகேயன், ”வருத்தப்படாத வாலிபர் சங்கம்” படத்தின் இரண்டாம் பாகம் தயாரிக்கலாமா என்ற பேச்சுவார்த்தை நடந்த போது, இரண்டாம் பாகம் எடுக்க வேண்டாம் என்பதில் நான் உறுதியாக இருந்தேன் எனவும், இரண்டாம் பாகம் எடுப்பதாக இருந்தால் ரெமோ படத்தில் வரும் நர்ஸ் கேரக்டரை வைத்து எடுக்கலாம் எனவும் கூறியுள்ளார்.