”வருத்தப்படாத வாலிபர் சங்கம் 2” உருவாகும் என்று இயக்குனர் பொன்ராம் தெரிவித்துள்ளார்.
நடிகர் சிவகார்த்திகேயன் நடிப்பில் 2013 ஆம் ஆண்டு வெளிவந்திருந்த படம் ”வருத்தப்படாத வாலிபர் சங்கம்”. இந்த படத்தில் சிவகார்த்திகேயனுக்கு ஜோடியாக நடிகை ஸ்ரீ திவ்யா நடித்திருந்தார். இந்த படத்தின் நகைச்சுவைக் காட்சிகள் அனைத்தும் ரசிகர்களின் பாராட்டைப் பெற்றன.
இதனையடுத்து, இந்த படத்தின் இரண்டாம் பாகம் இயக்க இருப்பதாக ஒரு தகவல் வெளிவந்தது. இதற்கு பதிலளித்த சிவகார்த்திகேயன், ”வருத்தப்படாத வாலிபர் சங்கம்” படத்தின் இரண்டாம் பாகம் தயாரிக்கலாமா என்ற பேச்சுவார்த்தை நடந்த போது, இரண்டாம் பாகம் எடுக்க வேண்டாம் என்பதில் நான் உறுதியாக இருந்தேன் என கூறிஇருந்தார்.
இந்நிலையில், இப்படத்தின் இயக்குனர் பொன்ராம், ”வருத்தப்படாத வாலிபர் சங்கம் 2” படம் உறுதியாக வர இருக்கிறது என்று கூறியுள்ளார். அவர் தனது ட்விட்டர் பக்கத்தில், ”சிவகார்த்திகேயன் சார் மெச்சூர் ஆகிவிட்டார் என்றும், வளர்ந்து வரும் இளம் கதாநாயகர்களை வைத்து இந்த படத்தை எடுக்க இருப்பதாக தெரிவித்துள்ளார்.” இந்த செய்தியை கேட்டு ரசிகர்கள் பெரும் எதிர்பார்ப்பில் உள்ளனர்.