உறியடி மற்றும் உறியடி 2 திரைப்படத்தின் இயக்குனரும் கதாநாயகனுமான விஜய்குமார், தன் உதவி இயக்குனரின் முதல் படத்தில் கதாநாயகனாக நடிக்கிறார்.
நடிகர் விஜய்குமார் உறியடி மற்றும் உறியடி-2 திரைப்படங்களை இயக்கி கதாநாயகனாக நடித்திருந்தார். மேலும் நடிகர் சூர்யாவின் “சூரரைப்போற்று” திரைப்படத்திற்கும் வசனம் எழுதியிருந்தார். இந்நிலையில் அவரின் உதவி இயக்குனரான அப்பாஸ் இயக்கும் முதல் படத்தில் கதாநாயனாக நடிக்கிறார்.
இப்படத்தின் படப்பிடிப்பு இன்று சென்னையில் தொடங்கியிருக்கிறது. இப்படத்தில் அர்ஷா என்பவர் கதாநாயகியாக அறிமுகமாகவுள்ளார். கோவிந்த் வசந்தா இசையமைக்கும் இப்படத்தின் படப்பிடிப்புகள் 3 மாதங்கள் சென்னையில் நடைபெறும் என்று தெரிவிக்கப்பட்டுள்ளது.