ஆப்கானிஸ்தான் நாட்டில் ராணுவத்துக்கும் தாலிபான்களுக்கும் இடையில் நடைபெற்ற தாக்குதலில் 30 பேர் உயிரிழந்துள்ளதாக பாதுகாப்புதுறை அமைச்சர் தெரிவித்துள்ளார்.
ஆப்கானிஸ்தான் நாட்டை தாலிபான்கள் கைப்பற்றிய நிலையில் அந்நாட்டு ராணுவத்திற்கும் அவர்களுக்கும் இடையே மோதல் நிலவி வருகிறது. இந்த நிலையில் ஆப்கானிஸ்தான் ராணுவம் இரண்டு பகுதிகளில் வான்வெளி தாக்குதல் நடத்தியுள்ளனர். அதில் ஒரு பகுதியில் 30 தாலிபான்கள் உயிரிழந்ததாகவும் 17 பேர் படுகாயமடைந்ததாகவும் அந்நாட்டு பாதுகாப்புத் துறை அமைச்சர் தெரிவித்துள்ளார். மேலும் மற்றொரு இடமான வடக்கு ஜாவ்சான் பகுதியில் உள்ள முர்காப் மற்றும் ஹாசன் தப் கிராமத்தை ராணுவம் சுற்றிவளைத்து வான்வழித் தாக்குதல் நடத்தியுள்ளனர்.
இதில் 19 தாலிபான்கள் இறந்துவிட்ட நிலையில் 15 பேர் படுகாயம் அடைந்துள்ளனர். இந்த தாக்குதலுக்கு தாலிபான்கள் பயன்படுத்திய இரண்டு பதுங்குகுழிகள், பயங்கர ஆயுதங்கள், வெடிபொருட்கள், 6 இருசக்கர வாகனங்கள் போன்றவை கண்டுபிடிக்கப்பட்டு அளிக்கப்பட்டுள்ளது. ஒரு வார காலத்திற்கும் மேலாக இந்த தாக்குதலானது நடந்துவருகிறது என்பது குறிப்பிடத்தக்கது.