பிரிட்டன் நாட்டில் வரலாறு காணாத வகையில் 1.2 மில்லியன் வேலை இடங்கள் காலியாக இருப்பதால் அந்த பணிகளை புலம்பெயர்ந்த மக்களுக்கு வழங்க பரிந்துரைக்கப்பட்டுள்ளது.
பிரிட்டன் நாட்டில் 1.2 மில்லியன் வேலை இடங்கள் காலியாக இருக்கிறது. எனவே, வேலை மற்றும் ஓய்வூதியங்களுக்குரிய செயலராக இருக்கும் Chloe Smith, திறமை மிகுந்த பிற நாட்டைச் சேர்ந்த ஊழியர்களை அந்த பணியில் அமர்த்தலாம் என்று பரிந்துரைத்திருக்கிறார். எனினும் முதலில் தங்கள் நாட்டு குடிமக்களுக்கு தான் முன்னுரிமை என்று தெரிவித்திருக்கிறார்.
அந்நாட்டில் சமீபத்தில் புலம்பெயர்தல் அதிகரித்துக் கொண்டிருப்பதாக தெரிவிக்கப்பட்டது. எனவே புலம்பெயரும் மக்களின் எண்ணிக்கையை குறைக்க வேண்டும் என்று உள்துறை செயலாளராக இருக்கும் சுவெல்லா பிரேவர்மேன் கூறியிருந்தார்.
அந்த வகையில், தற்போது பிரிட்டன் மக்களுக்கு பணிகள் அளிப்பதில் முன்னுரிமை கொடுப்பது சரியாக இருக்கும் என்று கூறியிருக்கிறார். எனினும், அதே சமயத்தில் புலம்பெயர்ந்த மக்களுக்கும் சிறிது பங்களிப்பு வழங்க வேண்டும் என்று Chloe Smith தெரிவித்திருக்கிறார்.