வாகனம் மோதி கூலி தொழிலாளி உயிரிழந்த சம்பவம் சோகத்தை ஏற்படுத்தியுள்ளது.
திருநெல்வேலி மாவட்டத்திலுள்ள கீழூர் பகுதியில் பாலசுப்பிரமணியம் என்பவர் வசித்து வந்துள்ளார். இவர் கூலி வேலை செய்து வந்துள்ளார். இந்நிலையில் பாலசுப்பிரமணியம் மோட்டார் சைக்கிளில் நாங்குநேரிக்கு சென்று கொண்டிருந்தார். அப்போது தேசிய நெடுஞ்சாலை அருகில் வந்து கொண்டிருந்தபோது அடையாளம் தெரியாத வாகனம் ஒன்று பாலசுப்பிரமணியத்தின் மோட்டார் சைக்கிள் மீது மோதி விட்டு நிற்காமல் சென்றது. இதனால் மோட்டார் சைக்கிளில் இருந்து கீழே விழுந்த பாலசுப்பிரமணியம் பலத்த காயமடைந்து உயிருக்குப் போராடிக் கொண்டிருந்தார்.
இதனைப் பார்த்த சாலையோரம் வேலை செய்து கொண்டிருந்த தனியார் ஒப்பந்த தொழிலாளர்கள் பாலசுப்பிரமணியத்தை உடனடியாக மீட்டு நாங்குநேரி அரசு மருத்துவமனையில் சிகிச்சைக்காக அனுமதித்தனர். ஆனால் பாலசுப்பிரமணியத்தை பரிசோதனை செய்த மருத்துவர்கள் அவர் ஏற்கனவே இறந்துவிட்டதாக தெரிவித்துள்ளனர். மேலும் இதுகுறித்து வழக்குப்பதிவு செய்த நாங்குநேரி காவல்துறையினர் விசாரணை மேற்கொண்டு வருகின்றனர்.