கதறி அழுத வைகோ: கட்சி நிர்வாகி இறுதிச் சடங்கில் சோகம்..!!

வேலூர் மாவட்டம் குடியாத்தத்தைச் சேர்ந்த பன்னீர் என்பவர் மதிமுக வேலூர் மேற்கு மாவட்ட முன்னாள் செயலாளராகவும், அக்கட்சியின் அரசியல் ஆலோசனைக் குழு உறுப்பினராகவும் பணியாற்றியுள்ளார்.

இந்நிலையில், கடந்த சில தினங்களாக உடல்நலக்குறைவு காரணமாக அவதிப்பட்டுவந்த பன்னீர், நேற்று காலை மரணமடைந்தார். இவரது இறுதிச் சடங்கில் மதிமுக பொதுச்செயலாளர் வைகோ உள்ளிட்ட கட்சி நிர்வாகிகள் திரளானோர் கலந்துகொண்டு அவரது உடலுக்கு மலர் வளையம் வைத்து கண்ணீர் அஞ்சலி செலுத்தினர்.

இந்நிலையில், பன்னீரின் இரங்கல் கூட்டத்தில் கலந்துகொண்ட வைகோ, கட்சி நிர்வாகிகளிடையே பன்னீருடன் பழகிய நாட்களை நினைவுகூர்ந்து பேசுகையில், மேடையிலேயே கதறி அழுதுவிட்டார். முன்னதாக இருக்கமாக அமர்ந்திருந்த வைகோ, அனைவர் மத்தியிலும் துக்கத்தை அடக்கமுடியாமல் கதறி அழுதது, அங்கு இறுக்கமான சூழலை ஏற்படுத்தியது.