உத்தரபிரதேச மாநிலத்தில் பரேலி மாவட்டத்தில் உள்ள ஒரு கிராமத்தில் வினோத் குமார் சர்மா வசித்துவருகிறார். இவர் வக்கீல் தொழில் செய்வது மட்டுமல்லாமல் நில பதிவுக்கான முத்திரைத் தாள்களை வாங்கி விற்கும் தொழிலும் செய்து வருகின்ரறார். இந்நிலையில் நேற்று இவர் தனது வாடிக்கையாளர் ஒருவரிடம் முத்திரைத் தாள்களை வாங்குவதற்காக 2 லட்சத்தை பணத்தை பெற்றுக்கொண்டு அலுவலகம் நோக்கி நடந்து சென்று கொண்டிருந்தார்.
அப்போது திடீரென எங்கிருந்தோ பாய்ந்து வந்த ஒரு குரங்கு அவரது பணப்பை பறித்து அவரே எதிர்பாராத நேரத்தில் அருகில் உள்ள வேப்ப மரத்தில் ஏறியது. என்ன செய்வது என்று புரியாமல் அந்த குரங்கை பார்த்து பையை கீழே போட்டு விடு என்று கேட்டார். இவர் குரலைக் கேட்டதும் அங்கு இருந்தவர்கள் ஓடிவந்து திரண்டனர். பிறகு அந்த குரங்கு பையை திறந்து ரூ.50,000 இரண்டு கட்டுகளை மட்டும் கையில் எடுத்துக் கொண்டு மீதமுள்ள ரூ.1,00,000 -யை பையுடன் கீழே போட்டது. மீதமுள்ள பணத்தையும் கீழே போட்டு விடுமாறு குரங்கை பார்த்து சர்மா கத்தினார். அந்த சமயத்தில் குரங்கு திடீரென யாரும் எதிர்பாராத விதமாக பண மழை பெய்தது போல் குரங்கு பண கட்டுகளை அவிழ்த்து ரூபாயை அள்ளி வீசியது.
இன்ப அதிர்ச்சியடைந்த பொதுமக்கள் ரூபாய் நோட்டுகளை போட்டி போட்டு எடுத்தனர். இதனால் நிலைகுலைந்து போன வக்கில் சர்மா, மக்களிடம் தனது பணத்தை திருப்பித் தரும்படி கேட்டுள்ளார் . பெரும்பாலனவர்கள் அவரிடம் பணத்தை கொடுத்து விட்டனர்.அவற்றையெல்லாம் கணக்கிட்ட போது 95 ஆயிரம் ரூபாய் மட்டுமே இருந்தது. மீதம் 5 ஆயிரம் ரூபாய் பறிபோய்விட்டது. போன உயிர் திரும்ப வந்தது போல் எப்படியோ பணம் கிடைத்துவிட்டது என்று ஆறுதல் அடைந்து சர்மா கிளம்பி சென்றார்.