வாலிபரிடம் பணம் கேட்டு மிரட்டியவரை காவல்துறையினர் கைது செய்துள்ளனர்.
திருநெல்வேலி மாவட்டத்திலுள்ள சந்திப்பு சி.என். கிராமத்தில் சுடலைகண்ணன் என்பவர் வசித்து வருகிறார். இவர் வாய்க்கால் பாலம் பகுதியில் நின்று கொண்டிருந்தார். அப்போது அந்த வழியாக வந்த கொக்கிரகுளம் தொல்காப்பியர் தெருவில் வசிக்கும் பேராட்சி என்பவர் சுடலை கண்ணனிடம் கத்தியை காட்டி பணம் கேட்டு மிரட்டியுள்ளார்.
இதுகுறித்து சுடலை கண்ணன் பாளையங்கோட்டை காவல் நிலையத்தில் புகார் அளித்துள்ளார். அந்த புகாரின் பேரில் வழக்குப்பதிவு செய்த காவல்துறையினர் பேராட்சியை கைது செய்துள்ளனர்.