பெண்ணை தாக்கிய வாலிபரை காவல்துறையினர் கைது செய்துள்ளனர்.
விருதுநகர் மாவட்டத்தில் உள்ள ரிசர்வ்லைன் பகுதியை கணேசன் என்பவர் வசித்து வருகிறார். இவருக்கு கமலா என்ற மனைவி இருக்கிறார். இந்த தம்பதிகள் அதே பகுதியில் உள்ள பட்டாசு ஆலையில் பணி புரிந்து வருகின்றனர். இந்நிலையில் இந்த தம்பதிகளுக்கும் இவர்களது பக்கத்து வீட்டில் வசிக்கும் செல்வம் என்பவருக்கும் இடையே தகராறு இருந்து வந்துள்ளது.
இதனை அடுத்து செல்வம் இரும்பு கம்பியால் கமலாவை சரமாரியாக தாக்கியுள்ளார். இதில் கமலா பலத்த காயமடைந்து உள்ளார். இதனை பார்த்ததும் அருகில் உள்ளவர்கள் கமலாவை மீட்டு சிகிச்சைக்காக அரசு மருத்துவமனைக்கு அனுப்பி வைத்துள்ளனர். அதன் பிறகு கமலா செல்வம் மீது காவல் நிலையத்திற்கு சென்று புகார் அளித்துள்ளார். அந்தப் புகாரின் பேரில் வழக்குப்பதிவு செய்த காவல்துறையினர் செல்வத்தை கைது செய்து தீவிர விசாரணை மேற்கொண்டு வருகின்றனர்.