வாலிபர் மர்மமான முறையில் இறந்த சம்பவம் பரபரப்பை ஏற்படுத்தியுள்ளது.
திருநெல்வேலி மாவட்டத்திலுள்ள பாளையங்கோட்டை கே.டி.சி.நகர் பகுதியில் செல்லத்துரை என்பவர் வசித்து வருகிறார். இவர் கேபிள் டிவி நடத்தி வருகிறார். இவருக்கு நத்தானியேல் என்ற மகன் இருந்துள்ளார். இந்நிலையில் நத்தானியேல் தனது நண்பர்களுடன் வெளியே சென்றிருந்தார். இதனையடுத்து நள்ளிரவில் நத்தானியேலை அவரது நண்பர்கள் போதையில் அழைத்து வருவது போன்று வீட்டிற்கு அழைத்து வந்து படுக்கையில் போட்டு விட்டு சென்று விட்டனர்.
இதனால் சந்தேகம் அடைந்த பெற்றோர் நத்தானியேலை எழுப்பி பார்த்தும் எழுப்ப முடியவில்லை. இதனையடுத்து நத்தானியேலை அவரது பெற்றோர் நெல்லை அரசு மருத்துவமனைக்கு சிகிச்சைக்காக கொண்டு சென்றனர். ஆனால் நத்தானியேலை பரிசோதனை செய்த மருத்துவர்கள் அவர் ஏற்கனவே இறந்துவிட்டதாக தெரிவித்துள்ளனர். இதுகுறித்து நத்தானியேலின் பெற்றோர் பாளையங்கோட்டை காவல் நிலையத்தில் புகார் அளித்துள்ளனர். அந்த புகாரின்பேரில் வழக்குப்பதிவு செய்த காவல்துறையினர் நத்தானியேலின் மர்மமான இறப்பு குறித்து விசாரணை நடத்தி வருகின்றனர்.