மணல் கடத்திய வாலிபரை காவல்துறையினர் கைது செய்துள்ளனர்.
விருதுநகர் மாவட்டத்தில் உள்ள ஸ்ரீவில்லிபுத்தூர் பகுதியில் இருக்கும் மலை அடிவாரத்தில் இருந்து மணல் கடத்துவதாக காவல்துறையினருக்கு ரகசிய தகவல் கிடைத்துள்ளது. அந்த தகவலின் படி சம்பவ இடத்திற்கு விரைந்து சென்ற காவல்துறையினர் அப்பகுதியில் தீவிர வாகன சோதனையில் ஈடுபட்டிருந்தனர். அப்போது அந்த வழியாக வந்த இருசக்கர வாகனத்தில் மணல் மூட்டைகளை கடத்தியது காவல்துறையினருக்கு தெரியவந்துள்ளது.
இதனை அடுத்து காவல்துறையினர் நடத்திய விசாரணையில் மணல் கடத்திய நபர் அதே பகுதியில் வசிக்கும் சுந்தரமகாலிங்கம் என்பது தெரியவந்துள்ளது. அதன்பின் சுந்தர மகாலிங்கத்தை காவல்துறையினர் கைது செய்துள்ளனர். மேலும் இது குறித்து வழக்குப்பதிவு செய்த காவல்துறையினர் அவரிடமிருந்த இரு சக்கர வாகனம் மற்றும் மணல் மூட்டைகளை பறிமுதல் செய்து விசாரணை மேற்கொண்டு வருகின்றனர்.