விவசாய கிணற்றில் தவறி விழுந்த மானை தீயணைப்புத் துறையினர் உயிருடன் மீட்டனர்.
சேலம் மாவட்டத்திலுள்ள புனல்வாசல் பகுதியில் அத்தியப்பன் என்ற விவசாயி வசித்து வருகிறார். இந்நிலையில் அத்தியப்பன் தனது விவசாய தோட்டத்திற்கு சென்றபோது அங்குள்ள கிணற்றுக்குள் இருக்கும் தண்ணீரில் புள்ளிமான் ஒன்று தத்தளித்து கொண்டிருப்பதை பார்த்துள்ளார்.
அதன்பின் அத்தியப்பன் உடனே தலைவாசல் தீயணைப்பு துறைக்கு தகவல் அளித்து விட்டார். அந்த தகவலின்படி சம்பவ இடத்திற்கு விரைந்து சென்ற தீயணைப்பு துறையினர் கிணற்றுக்குள் விழுந்து உயிருக்குப் போராடிக் கொண்டிருந்த மானை உயிருடன் காப்பாற்றியுள்ளனர். அதன்பின் அந்த மானை வனத்துறையினர் பத்திரமாக மீட்டு வனப்பகுதிக்குள் கொண்டு சென்று விட்டனர்.