கணவருடன் மோட்டார் சைக்கிளில் சென்ற பெண்ணிடம் 8 பவுன் தங்க சங்கிலியை பறித்து சென்ற மர்ம நபர்களை காவல்துறையினர் வலைவீசி தேடி வருகின்றனர்.
தூத்துக்குடி மாவட்டத்தில் உள்ள முள்ளக்காடு பகுதியில் ராமச்சந்திரன் என்பவர் வசித்து வருகிறார். இவருக்கு வெள்ளையம்மாள் என்ற மனைவி உள்ளார். இந்நிலையில் இருவரும் கோயம்புத்தூர் செல்வதற்காக தூத்துக்குடி பேருந்து நிலையத்திற்கு மோட்டார் சைக்கிளில் சென்று கொண்டிருந்தார்.
அப்போது உப்பாற்று ஓடை பாலம் பகுதியில் சென்று கொண்டிருந்த போது அவர்களுக்குப் பின்னால் மோட்டார் சைக்கிளில் வந்த 2 மர்ம நபர்கள் திடீரென வெள்ளையம்மாளின் கழுத்தில் கிடந்த 8 பவுன் தங்க சங்கிலி மற்றும் அவரது கைப்பையையும் பறித்துவிட்டு அங்கிருந்து தப்பி சென்றுள்ளனர். அந்த பையில் ரூ.11,59 0 பணம், செல்போன் இருந்தது. இதுகுறித்து வெள்ளையம்மாள் முத்தையாபுரம் காவல்நிலையத்தில் புகார் அளித்துள்ளார். அந்த புகாரின் பேரில் வழக்குப்பதிவு செய்த காவல்துறையினர் வழிப்பறியில் ஈடுபட்ட மர்ம நபர்களை வலைவீசி தேடி வருகின்றனர்.