காவிரி டெல்டா பகுதி பாதுகாக்கப்பட்ட வேளாண் மண்டலமாக அறிவிக்கப்படும் என்ற முதலமைச்சர் அறிவிப்புக்கு பல்வேறு அமைப்புகள் ஆதரவு தெரிவித்து வருகின்றன.
தமிழ்நாட்டின் தஞ்சாவூர், திருச்சி, புதுகை, நாகை, திருவாரூர் ஆகிய மாவட்டங்கள் பாதுகாக்கப்பட்ட வேளாண் மண்டலமாக மாற்றப்படும் என சேலம் தலைவாசலில் நடந்த அரசு விழாவில் முதலமைச்சர் எடப்பாடி கே.பழனிசாமி அறிவித்தார்.
இதற்கு பல்வேறு அமைப்புகள், கட்சிகள் ஆதரவு தெரிவித்து வருகிறது. நேற்று சென்னை கிரீன்வேஸ் சாலையில் உள்ள அவரது இல்லத்திற்குச் சென்று விவசாயிகள் நன்றி தெரிவித்தனர்.