இறால் பண்ணையில் காப்பர் வயர்களை திருடிய நபர்களை காவல்துறையினர் கைது செய்துள்ளனர்.
புதுக்கோட்டை மாவட்டத்திலுள்ள மீமிசல் பகுதியில் தனியார் இறால் பண்ணை அமைந்துள்ளது. இந்நிலையில் இறால் பண்ணையில் இருக்கும் மோட்டார் அறையில் இருந்த காப்பர் வயர்களை மர்ம நபர்கள் திருடி கொண்டிருந்தனர். இதனை பார்த்த அப்பகுதி மக்கள் மீமிசல் காவல்துறையினருக்கு தகவல் அளித்துள்ளனர்.அந்த தகவலின் படி காவல்துறையினர் சம்பவ இடத்திற்கு விரைந்து சென்று வயர்களை திருடி கொண்டிருந்த மர்ம நபர்களை கைது செய்துள்ளனர்.
மேலும் அவர்களிடம் காவல்துறையினர் நடத்திய விசாரணையில் மணல்மேல்குடியை சேர்ந்த ராஜா மற்றும் சிறுவன் தினேஷ் என்பது தெரியவந்துள்ளது. இதுகுறித்து வழக்குப்பதிவு செய்த காவல்துறையினர் தீவிர விசாரணை மேற்கொண்டு வருகின்றனர்.