வீட்டின் பூட்டை உடைத்து பணம் மற்றும் 5 பவுன் தங்க நகையை மர்ம நபர்கள் திருடிச் சென்றுள்ளனர்.
திருநெல்வேலி மாவட்டத்திலுள்ள கூடங்குளம் பகுதியில் ரதீஷ்குமார் என்பவர் வசித்து வருகிறார். இவருக்கு செல்வராணி என்ற மனைவி இருக்கின்றார். இந்நிலையில் செல்வராணி தனது கணவர் வேலைக்கு சென்றவுடன் கூடங்குளத்தில் இருக்கும் தனது தாய் வீட்டிற்கு சென்று விட்டு மாலையில் வீடு திரும்புவது வழக்கம். இதனை மர்ம நபர்கள் நோட்டமிட்டுள்ளனர். இதனையடுத்து செல்வராணி வீட்டில் இல்லாததை அறிந்த மர்ம நபர்கள் வீட்டின் பூட்டை உடைத்து உள்ளே சென்று பீரோவில் இருந்த 5 பவுன் தங்க நகை மற்றும் 1 லட்சத்து 20 ஆயிரம் ரூபாய் பணத்தை திருடிச் சென்றுள்ளனர்.
அதன் பின் வீடு திரும்பிய செல்வராணி வீட்டின் கதவு உடைக்கப்பட்டிருப்பதை கண்டு அதிர்ச்சி அடைந்தார். இதனையடுத்து உள்ளே சென்று பார்த்த போது பீரோவில் வைத்திருந்த பணம் மற்றும் நகை போன்றவற்றை மர்மநபர்கள் திருடிச் சென்றதை அறிந்துள்ளார். இதுகுறித்து செல்வராணி உடனடியாக கூடங்குளம் காவல் நிலையத்தில் புகார் அளித்துள்ளார். அந்த புகாரின் பேரில் வழக்குப்பதிவு செய்த காவல்துறையினர் பணம் மற்றும் நகையை திருடிச் சென்ற மர்ம நபர்களை தேடும் பணியில் தீவிரமாக ஈடுபட்டுள்ளனர்.