கல்லூரியில் நடைபெற்ற முத்தமிழ் விழாவில் மாணவ-மாணவிகளின் நடத்திய கலை நிகழ்ச்சிகளை அதிகாரிகள் கண்டு களித்துள்ளனர்.
புதுக்கோட்டை மாவட்டத்தில் உள்ள குடுமியான்மலை வேளாண்மை கல்லூரி மற்றும் ஆராய்ச்சி நிலையத்தில் முத்தமிழ் விழா சிறப்பாக நடைபெற்றுள்ளது. இந்நிகழ்ச்சியில் சிறப்பு விருந்தினர்களாக தமிழ்நாடு வேளாண்மை பல்கலைக்கழக உதவியாளர் தமிழ்வேந்தன், வருவாய் அலுவலர் ரம்யா தேவி, வேளாண்மை இணை இயக்குனர் சக்திவேல் ஆகியோர் கலந்து கொண்டு குத்துவிளக்குகளை ஏற்றி விழாவினை தொடங்கி வைத்துள்ளனர்.
இதில் மாணவர் மன்ற ஆலோசகர் விஜயகுமார் வரவேற்றுள்ளார். அதன்பின் நக்கீரன் வாழ்த்துரை வழங்கியுள்ளார். இதனை அடுத்து தமிழ்நாடு வேளாண்மை பல்கலைக்கழக பதவியாளர் தமிழ்வேந்தன் மற்றும் வேளாண்மை இணை இயக்குனர் சக்திவேல் தமிழனின் வரலாறு மற்றும் சிறப்புகளை கூறி சிறப்புரையாற்றிள்ளார். பின்னர் முடிவில் மாணவர் மன்ற இணை ஆலோசகர் முனைவர் குமணன் நன்றி கூறியுள்ளார்.
இதனைத் தொடர்ந்து கல்லூரி மாணவிகளின் பரதநாட்டியம் நடைபெற்றுள்ளது. மேலும் நகைச்சுவை நடிகர்கள் போண்டாமணி, முத்துக்காளை, கிங்காங் ஆகியோர் பங்கேற்று நகைச்சுவை நிகழ்ச்சி மற்றும் பட்டிமன்றம் நடைபெற்றுள்ளது. மேலும் இதன் தொடர்ச்சியாக முதலாம் மற்றும் மூன்றாம் ஆண்டு வேளாண்மை கல்லூரி மாணவர்கள் மற்றும் மாணவிகளின் கலை நிகழ்ச்சிகள் நடைபெற்றுள்ளது.