நடிகர் விஜய் நடிப்பில் உருவாகி உள்ள பீஸ்ட் படத்தின் ரன்னிங் டைம் குறித்து தகவல் வெளியாகி உள்ளது.
தமிழ் சினிமாவில் பிரபல முன்னணி நட்சத்திரங்களில் ஒருவராக வலம் வருபவர் தளபதி விஜய். இயக்குனர் நெல்சன் இயக்கத்தில் இவர் நடிப்பில் தற்போது உருவாகியுள்ள திரைப்படம் ”பீஸ்ட்”. இந்த படத்தில் பூஜா ஹெக்டே, செல்வராகவன், ரெடின் கிங்ஸ்லி, அபர்ணா தாஸ் மற்றும் பலர் நடித்துள்ளனர். இந்த படத்தின் படப்பிடிப்புகள் முடிந்து பின்னணி வேலைகள் நடைபெற்று வருகிறது. ரசிகர்கள் அனைவரும் இந்த படத்தை ஆவலாக எதிர்பார்த்துக் கொண்டிருக்கின்றனர்.
இதற்கிடையில் சமீபத்தில் வெளியான பீஸ்ட் படத்தின் இரண்டு பாடல்களும் ரசிகர்கள் மத்தியில் அமோக வரவேற்பை பெற்று வருகிறது. இந்த நிலையில் நேற்று படத்தின் சென்சார் மற்றும் ரன்னிங் டைம் குறித்து வெளியான தகவல்களால் ரசிகர்கள் மகிழ்ச்சி அடைந்துள்ளனர். இதனைத் தொடர்ந்து இப்படம் ’யூஏ’ சான்றிதழுடன் 2 மணிநேரம் 35 நிமிடங்கள் ஒளிபரப்பாக உள்ளது.
அண்மையில் வெளியான அஜித்தின் வலிமை படத்தின் நீளம் ரசிகர்கள் மற்றும் விமர்சகர்கள் மத்தியில் மிகப்பெரிய குறைவாக பேசப்பட்ட நிலையில் மூன்று மணி நேரம் ரிலீஸ் செய்யப்பட்ட படமானது சில தினங்களில் நீளம் குறைக்கப்பட்டது. இதனால் முன்னதாகவே உஷாரான பீஸ்ட் படக்குழுவினர் ரன்னிங் டைமை 2 மணி நேரம் 35 நிமிடங்கள் திட்டமிட்டுள்ளது. இதனால் பீஸ்ட் படத்தின் வெற்றி கிட்டுவது உறுதி செய்யப்பட்டுள்ளதாக ரசிகர்கள் மகிழ்ச்சியில் உள்ளனர்.