வேன் மோதி விபத்து…. தொழிலாளிக்கு நேர்ந்த துயரம்…. தர்மபுரியில் சோகம்….!!

மொபட் மீது வேன் மோதிய விபத்தில் தொழிலாளி உயிரிழந்த சம்பவம் சோகத்தை ஏற்படுத்தியுள்ளது.

தர்மபுரி மாவட்டத்தில் உள்ள புதுநாகமரை பகுதியில் கூலித்தொழிலாளி சுப்பிரமணி வசித்து வந்தார். இவருக்கு வீரம்மாள் என்ற மனைவியும், 2 மகள்களும், 3 மகன்களும் இருக்கின்றனர். இதில் வீரம்மாள் தற்போது 5 மாத கர்ப்பிணியாக இருக்கின்றார். கடந்த மாதம் 12-ஆம் தேதி சுப்பிரமணி மொபட்டில் ஏரியூர் நோக்கி சென்று கொண்டிருந்தார்.

அப்போது அவ்வழியாக வந்த வேன் சுப்பிரமணி மொபட் மீது மோதியது. இதனால் படுகாயமடைந்த சுப்பிரமணியை அவ்வழியாக சென்றவர்கள் மீட்டு தர்மபுரி அரசு மருத்துவமனையில் சிகிச்சைக்காக அனுமதித்தனர். அங்கு சிகிச்சை பலனின்றி சுப்பிரமணி பரிதாபமாக உயிரிழந்து விட்டார். இதுகுறித்து காவல்துறையினர் வழக்குப்பதிவு செய்து விசாரணை மேற்கொண்டு வருகின்றனர்.