கொரோனாவிடமிருந்து மக்களை காப்பாற்ற வெண்டிலேட்டர்கள் தேவையில்லை என்ற அதிர்ச்சி தகவலை மருத்துவர்கள் வெளியிட்டுள்ளனர்.
சீனாவின் ஹூகான் மாகாணத்தில் பரவத் தொடங்கிய கொரோனவைரஸ் இன்று உலக அளவில் மிகப் பெரிய அளவிலான பாதிப்புகளை ஏற்படுத்தி வருகிறது. இதனுடைய பாதிப்பை கட்டுப்படுத்துவதற்காக கடுமையான பல முயற்சிகளை உலக நாடுகள் மேற்கொண்டு வருகின்றன. இருப்பினும் அதனுடைய பாதிப்பு ஒரேடியாக குறைக்க முடியவில்லை என்றாலும் தற்போது ஓரளவுக்கு பாதிப்பை கட்டுப்படுத்த முடிந்துள்ளது.
இந்நிலையில் உலக நாடுகளை கொரோனா தாக்கி சுமார் ஆறு மாதம் கழித்து, வென்டிலேட்டர் பெரிய அளவில் பலன் அளிக்கவில்லை என்று பல நாடுகள் தெரிவித்துள்ளது. தொடக்க காலத்தில் இந்தியா, அமெரிக்கா, கனடா உள்ளிட்ட நாடுகளில் கொரோனாவால் பாதிக்கப்பட்டவர்களின் உயிரை காப்பாற்றுவதற்கான ஒரே வழியாக வெண்டிலட்டர் கருதப்பட்டது. ஆனால் இது மரணத்தை ஒன்று அல்லது இரண்டு நாட்கள் தள்ளிப் போட மட்டுமே உதவுவதாகவும், கொரோனாவிலிருந்து மீள உதவுவதில்லை என்று மருத்துவர்கள் அதிர்ச்சி தகவலை தெரிவித்துள்ளனர்.