“மிஷன் மங்கள்” படத்தின் மூலமாக இயக்குனராக அறிமுகமான தமிழகத்தைச் சேர்ந்த இயக்குனர் ஜெகன் சக்தி.
இந்த படத்தில் அக்ஷய்குமார், வித்யா பாலன், சோனாக்ஷி சின்கா, டாப்ஸி பன்னு மற்றும் நித்யா மேனன் உள்ளிட்ட பல பிரபலங்கள் நடித்திருந்தனர். இப்படம் வெளியாகி உலக அளவில் 300 கோடி ரூபாய்க்கும் மேல் வசூல் சாதனைபுரிந்து சூப்பர் ஹிட் ஆனது. இந்த படத்தை தொடர்ந்து மிகப் பெரிய பேனரில் பிரமாண்ட பட்ஜெட்டில் ஒரு படத்தை இயக்க தயாராகி வந்தார் இயக்குனர் சக்தி.
இந்நிலையில், இவர் தனது நண்பர்களுடன் பேசிக் கொண்டிருக்கும் போது எதிர்பாராதவிதமாக திடீரென கீழே விழுந்தார். அவரது நண்பர்கள் அவரை உடனடியாக அருகில் உள்ள மருத்துவமனையில் அனுமதித்தனர்.
ஜெகன் சக்தியை பரிசோதனை செய்த மருத்துவர்கள் அவருக்கு மூளையில் ரத்தம் உ றைந்து ஆபத்தான நிலை உள்ளதாகவும் தெரிவித்தனர். இந்த செய்தி அவருடைய குடும்பத்தையும் ரசிகர்களையும் சோகத்தில் ஆழ்த்தியது.