ஊரடங்கு காரணமாக வீட்டிலிருந்தே விளம்பர படங்களில் நடிகை நயன்தாரா நடித்து வருகிறார்.
கொரோனா தடுப்பு நடவடிக்கையாக நாடு முழுவதும் ஊரடங்கு பிறப்பிக்கப்பட்டுள்ளது. ஊரடங்கின் காரணமாக படப்பிடிப்புகளும் ரத்து செய்யப்பட்டுள்ளது. இந்த நிலையில் நடிகை நயன்தாரா தனது வீட்டில் இருந்தே நடித்து வருகிறார். நயன்தாரா படங்களில் நடித்து மூன்று மாதங்களுக்கு மேல் ஆகின்றன. ஊரடங்குக்கு முன்பே ஆர்.ஜே பாலாஜி இயக்கத்தில் மூக்குத்தி அம்மன் படத்தை நடித்து முடித்துள்ளார். மேலும் இப்படம் திரைக்கு வர தயாராக உள்ளது. நெற்றிக்கண், காற்றுவாக்கில் இரண்டு காதல், ரஜினிகாந்தின் அண்ணாத்த என மேலும் இரண்டு படங்கள் கைவசம் வைத்துள்ளார்.
அடிக்கடி தனது புகைப்படங்களை சமூக வலைத்தளத்தில் பகிர்ந்து வருகிறார். மேலும் கொரோனவுடன் இணைந்து வெளியான வதந்திகளுக்கும், காதலர் விக்னேஷ் சிவனுடன் இணைந்து பதிலடி கொடுத்து வந்தார். படப்பிடிப்புகள் இல்லாமல் வீட்டில் முடங்கிய நிலையில் தற்போது விளம்பர படமொன்றில் நடித்து முடித்துள்ளார். வீட்டில் இருந்து படப்பிடிப்பை முடித்து விட்டதாக கூறப்படுகிறது. இதனைத் தொடர்ந்து மேலும் சில விளம்பர படங்களில் நடிக்குமாறு முன்னணி நிறுவனங்கள் அவரை அணுகுவதற்கு தயாராகி வருகின்றது.