விபச்சார வழக்கில் 2 பெண்களை காவல்துறையினர் கைது செய்துள்ளனர்.
திருப்பத்தூர் மாவட்டத்தில் உள்ள எஸ்.எம்.எச். வளாகத்தில் பெஞ்சமின் என்பவர் வசித்து வருகிறார். இவர் சாலை பணியாளராக திருப்பத்தூர் நெடுஞ்சாலை துறையில் பணிபுரிந்து வருகிறார். மேலும் அதே பகுதியில் வாசுகி என்பவர் வசித்து வருகிறார். இந்நிலையில் பெஞ்சமின் சிவகங்கை சாலையில் நடந்து சென்று கொண்டிருந்தார். இதனையடுத்து வாசுகி பெஞ்சமினை கை காட்டி அழைத்து தன்னிடம் அழகான பெண் இருக்கிறாள் என்று விபச்சாரத் தொழிலுக்கு அழைத்திருக்கிறார்.
இதுகுறித்து பெஞ்சமின் திருப்பத்தூர் காவல் நிலையத்தில் புகார் அளித்துள்ளார். அந்தப் புகாரின் பேரில் சம்பவ இடத்திற்கு விரைந்து சென்ற காவல்துறையினர் 32 வயது பெண் மற்றும் வாசுகி ஆகிய இருவரையும் கைது செய்துள்ளனர். அதன்பிறகு அந்த பெண்ணை காவல்துறையினர் மதகுபட்டியில் உள்ள ஆதரவற்ற இல்லங்களில் தங்கவைக்கப்பட்டுள்ளனர். மேலும் வாசுகியை நிலக்கோட்டை சிறைச்சாலையில் அடைத்தனர்.