விபத்தில் ஒய்வு பெற்ற இன்ஸ்பெக்டர் உயிரிழந்த சம்பவம் சோகத்தை ஏற்படுத்தியுள்ளது.
திருநெல்வேலி மாவட்டத்தில் உள்ள பாளையங்கோட்டை பகுதியில் சங்கரசுப்பு என்பவர் வசித்து வருகிறார். இவர் ஓய்வு பெற்ற போலீஸ் இன்ஸ்பெக்டர் ஆவார். இந்நிலையில் சங்கரசுப்பு கே.டி.சி. நகர் பாலம் பகுதியில் மோட்டார் சைக்கிளில் சென்று கொண்டிருந்தார். அப்போது அந்த வழியாக வந்த கார் சங்கரசுப்பு வந்த மோட்டார் சைக்கிள் மீது மோதியது. இதனால் நிலைதடுமாறிய சங்கரசுப்பு மீது அந்த வழியாக வந்த லாரி பயங்கரமாக மோதியது.
இந்த விபத்தில் சங்கரசுப்பு பலத்த காயமடைந்தார். இதனைப் பார்த்த அருகிலுள்ளவர்கள் சங்கரசுப்புவை உடனடியாக மீட்டு நெல்லை அரசு மருத்துவமனைக்கு சிகிச்சைக்காக அனுமதித்துள்ளனர். ஆனால் அங்கு அளிக்கப்பட்ட சிகிச்சை பலனின்றி சங்கரசுப்பு பரிதாபமாக உயிரிழந்தார். மேலும் இது குறித்து வழக்கு பதிவு செய்த நெல்லை மாநகர போக்குவரத்து புலனாய்வு பிரிவு காவல்துறையினர் விசாரணை நடத்தி வருகின்றனர்.