அடையாளம் தெரியாத வாகனம் மோதி தண்ணீர் டேங்க் ஆபரேட்டர் உயிரிழந்த சம்பவம் சோகத்தை ஏற்படுத்தியுள்ளது.
திருவண்ணாமலை மாவட்டத்திலுள்ள வடமாவந்தல் கிராமத்தில் முருகன் என்பவர் வசித்து வந்துள்ளார். இவர் டேங்க் ஆபரேட்டராக வேலை பார்த்து வந்துள்ளார். இந்நிலையில் முருகன் சைக்கிளில் தண்ணீர் திறந்துவிட சென்று கொண்டிருந்தார். அப்போது அப்துல்லாபுரம் மோரணம் சாலையில் முருகன் சென்று கொண்டிருந்த போது அந்த வழியாக வந்த அடையாளம் தெரியாத வாகனம் ஒன்று சைக்கிள் மீது மோதி விட்டு நிற்காமல் சென்றுவிட்டது.
இதில் தூக்கி வீசப்பட்டு பலத்த காயமடைந்த முருகன் பரிதாபமாக உயிரிழந்தார். இது குறித்து தகவல் அறிந்த காவல்துறையினர் சம்பவ இடத்திற்கு விரைந்து சென்று முருகனின் உடலை கைப்பற்றி அரசு மருத்துவமனைக்கு பிரேத பரிசோதனைக்காக அனுப்பி வைத்துள்ளனர். மேலும் இதுகுறித்து வழக்கு பதிவு செய்த காவல்துறையினர் விசாரணை மேற்கொண்டு வருகின்றனர்.