இயக்குனர் விக்னேஷ் சிவன் பிரபல நடிகை நயன்தாராவுடன் நேற்று தனது பிறந்தநாளை பிரம்மாண்டமாக கொண்டாடியுள்ளார்.
தமிழ் சினிமாவில் லேடி சூப்பர் ஸ்டாராக வலம் வருபவர் நடிகை நயன்தாரா. இவரது நடிப்பில் சமீபத்தில் வெளியான நெற்றிக்கண் திரைப்படம் ரசிகர்கள் மத்தியில் நல்ல வரவேற்பு பெற்றது. இதைத் தொடர்ந்து நடிகை நயன்தாரா தற்போது காத்து வாக்குல ரெண்டு காதல் எனும் திரைப்படத்தில் நடித்து வருகிறார். இத்திரைப்படத்தை அவரது காதலரும் பிரபல இயக்குனருமான விக்னேஷ் சிவன் தான் இயக்குகிறார்.
மேலும் இத்திரைப்படத்தில் நடிகர் விஜய் சேதுபதி, நடிகை சமந்தா ஆகியோரும் முக்கிய கதாபாத்திரத்தில் நடித்து வருகின்றனர். இந்நிலையில் விக்னேஷ் சிவன் நேற்று தனது 36வது பிறந்த நாளை தனது காதலியும், பிரபல நடிகையுமான நயன்தாராவுடன் கொண்டாடியுள்ளார். அப்போது எடுக்கப்பட்ட புகைப்படங்களையும் அவர் தனது சமூக வலைத்தள பக்கத்தில் வெளியிட்டுள்ளார்.
https://www.instagram.com/p/CT9N9A9BznO/?utm_medium=copy_link