விஜய் ஹசாரே கோப்பை ஒருநாள் தொடரில் இன்று நடைபெறும் அரையிறுதி ஆட்டத்தில் தமிழ்நாடு – சவுராஷ்டிரா அணிகள் பலப்பரீச்சை நடத்துகின்றன .
விஜய் ஹசாரே கோப்பை ஒருநாள் கிரிக்கெட் போட்டி தற்போது இறுதி கட்டத்தை நெருங்கி உள்ளது .இதில் காலிறுதி ஆட்டங்கள் முடிவடைந்தது. இதில் தமிழ்நாடு, சவுராஷ்டிரா,இமாச்சல பிரதேசம் மற்றும் சர்வீசஸ் ஆகிய 4 அணிகள் அரையிறுதிக்கு முன்னேறியுள்ளன. இதையடுத்து இன்று நடைபெறும் அரையிறுதி ஆட்டத்தில் தமிழ்நாடு- சவுராஷ்டிரா அணியும் ,மற்றொரு அரையிறுதி ஆட்டத்தில் இமாச்சல பிரதேசம்- சர்வீசஸ் அணியும் மோதுகின்றன.
இதுவரை தமிழக அணி விளையாடிய போட்டிகளில் 3 வெற்றி , 2 தோல்வியை சந்தித்துள்ளது. இதற்கு முன் நடந்த காலிறுதி ஆட்டத்தில் கர்நாடக அணியை வீழ்த்தி தமிழக அணி வெற்றி பெற்றது. இதனால் அதே நம்பிக்கையுடன் சவுராஷ்டிராஅணியை வீழ்த்தி இறுதிப்போட்டிக்கு முன்னேறும் ஆர்வத்தில் தமிழக அணி உள்ளது .இத்தொடரின் இறுதிப் போட்டி வருகின்ற 26-ம் தேதி நடைபெற உள்ளது.