தளபதி விஜய் தெலுங்கு இயக்குனர் படத்தில் நடிக்க உள்ளார் என்ற தகவல் வெளியாக உள்ளது.
தமிழ் சினிமாவில் முன்னணி நடிகராக வலம் வருபவர் தளபதி விஜய். ‘மாஸ்டர்’ படத்தின் வெற்றியை தொடர்ந்து விஜய் தற்போது ‘தளபதி65’ படத்தில் நடித்து வருகிறார். நெல்சன் திலீப் குமார் இயக்கும் இப்படத்தில் விஜய்க்கு ஜோடியாக பூஜா ஹெக்டே நடித்து வருகிறார். இந்நிலையில் நடிகர் விஜய் அடுத்ததாக நடிக்கவிருக்கும் புதிய படத்தின் தகவல் வெளியாகி உள்ளது.
அதன்படி தெலுங்கு சினிமாவில் பிரபல இயக்குனராக வலம் வரும் வம்சி படிபல்லி இயக்கத்தில் நடிகர் விஜய் அடுத்ததாக நடிக்க உள்ளார் என்று சமூக வலைத்தளங்களில் செய்தி பரவி வருகிறது. இயக்குனர் வம்சி சமீபத்தில் சென்னையில் விஜயை சந்தித்தபோது இப்படத்தின் கதையை கூறியுள்ளார். இதைதொடர்ந்து இக்கதை விஜய்க்கு பிடித்ததால் முழு ஸ்கிரிப்டையும் தயார் செய்ய கூறியிருக்கிறார் என்று தெரியவந்துள்ளது.