விஜய் நடிக்கும் “தளபதி 66” படத்தில் யோகி பாபு இணைய உள்ளதாக தகவல் வெளியாகியுள்ளது.
தமிழ் சினிமாவில் பிரபல முன்னணி நட்சத்திரங்களில் ஒருவராக வலம் வருபவர் தளபதி விஜய். சமீபத்தில் கோலமாவு கோகிலா, டாக்டர் படங்களை இயக்கிய நெல்சன் டிலிப்குமர் இயக்கத்தில் விஜய் நடிப்பில் வெளிவந்த திரைப்படம் ‘பீஸ்ட்’. இப்படத்தை பார்த்த ரசிகர்கள் விஜயகாந்த் காலத்து கதையை படமாக எடுத்துள்ளதாக நடிகனை கடுமையாக விமர்சித்து வருகின்றனர்.
இதற்கிடையில் தெலுங்கு இயக்குனர் வம்சி பைடிபல்லி இயக்கத்தில் விஜய் நடிப்பில் ஸ்ரீ வெங்கடேஸ்வரா கிரியேஷன்ஸ் தயாரிப்பில் தமன் இசையில் சமீபத்தில் “தளபதி 66” படத்தின் படப்பிடிப்பு பூஜையுடன் தொடங்கியது. இப்படத்தில் விஜய்க்கு ஜோடியாக ராஷ்மிகா மந்தனா நடிக்கிறார்.
இந்த நிலையில் ‘தளபதி 66’ படத்தின் படப்பிடிப்பு ஹைதராபாத்தில் நடைபெற்று வருவதாகவும் அதில் யோகிபாபு பங்கேற்று உள்ளதாக தகவல் வெளியாகியிருந்தன. இதனை உறுதி செய்யும் வகையில் யோகிபாபு தனது டுவிட்டர் பக்கத்தில் பதிவு ஒன்றை வெளியிட்டிருந்தார். மேலும் விஜயுடன் சேர்ந்து மெர்சல், சர்க்கார், பிகில், பீஸ்ட் ஆகிய படங்களில் நடித்திருந்தேன். இந்தநிலையில் ஐந்தாவது முறையாக மீண்டும் இந்த கூட்டணி இணைந்துள்ளது என்பது குறிப்பிடத்தக்கது.