நடிகர் விஜய் சேதுபதி மூன்றாவது முறையாக பிரபல இயக்குனருடன் இணைகிறார் என்று தகவல் வெளியாகி உள்ளது.
தமிழ் சினிமாவில் வித்தியாசமான கதையம்சம் கொண்ட படத்தில் நடித்து தற்போது முன்னணி நடிகர்களில் ஒருவராக இருப்பவர் விஜய் சேதுபதி. தமிழில் மட்டுமல்லாமல் பிற மொழி படங்களிலும் இவர் நடித்து வருகிறார். இந்நிலையில் விஜய் சேதுபதி நடிக்கும் புதிய படத்தின் தகவல் வெளியாகியுள்ளது.
அதன்படி காக்கா முட்டை படத்தின் மூலம் பிரபலமான இயக்குனர் மணிகண்டன் இயக்கும் புதிய படத்தில் விஜய் சேதுபதி நடிக்க உள்ளார். இயக்குனர் மணிகண்டன் மற்றும் நடிகர் விஜய் சேதுபதியின் கூட்டணியில் ஆண்டவன் கட்டளை, கடைசி விவசாயி போன்ற படங்கள் வெளியாகியிருப்பது குறிப்பிடத்தக்கது. இந்நிலையில் இவர்கள் மீண்டும் இணைகிறார்கள் என்ற தகவல் ரசிகர்களிடம் பெரும் எதிர்பார்ப்பை ஏற்படுத்தியுள்ளது.