விஜய் சேதுபதி நடிக்கும் புதிய படம் குறித்த தகவல் வெளியாகியுள்ளது.
தமிழ் சினிமாவில் முன்னணி நடிகராக வலம் வருபவர் விஜய் சேதுபதி. இவர் நடிப்பில் சமீபத்தில் வெளியான திரைப்படம் ”காத்துவாக்குல ரெண்டு காதல்”. இந்த திரைப்படம் ரசிகர்கள் மத்தியில் நல்ல வரவேற்பை பெற்று வருகிறது. இவர் தமிழில் மட்டுமல்லாமல் இந்தி மற்றும் தெலுங்கு மொழிப் படங்களிலும் நடித்து வருகிறார்.
இவர் நடிப்பில் அடுத்ததாக மாமனிதன், யாதும் ஊரே யாவரும் கேளிர் போன்ற படங்கள் ரிலீசாக உள்ளன. மேலும், இந்தியில் வெப்சீரிஸ் ஒன்றிலும் நடித்து வருகிறார். இந்நிலையில், இவர் கிஷார் பாண்டுரங் இயக்கும் ”காந்தி டாக்ஸ்” என பெயரிடப்பட்டுள்ள மௌன படத்தில் ஒன்றில் நடிக்க இருக்கிறார்.
இந்தியில் உருவாகும் இந்த திரைப்படம் தமிழ், மலையாளம், தெலுங்கு, கன்னடம் போன்ற மொழிகளிலும் ரிலீஸாக உள்ளது. ஏ. ஆர். ரஹ்மான் இசையமைக்கும் இந்தப் படத்தில் விஜய் சேதுபதிக்கு வசனமே கிடையாது என கூறப்படுகிறது. இந்த படத்தின் மீது ரசிகர்கள் மத்தியில் எதிர்பார்ப்பு அதிகரித்துள்ளது.