விஜய் சேதுபதியின் ரீல் மகள் பிரபல நடிகர் மகேஷ் பாபுவுக்கு ஜோடியாக நடிக்க உள்ளார்.
தெலுங்கில் கடந்த கடந்த மாதம் வெளியான உப்பென்னா திரைப்படம் வசூல் ரீதியாகவும் விமர்சன ரீதியாகவும் மாபெரும் வரவேற்பை பெற்றது. மேலும் 100 கோடிக்கும் மேல் வசூல் செய்து சாதனையும் படைத்துள்ளது. இப்படத்தில் விஜய் சேதுபதியின் மிரட்டலான நடிப்பு ரசிகர்களை பிரமிக்க வைத்துள்ளது.
விஜய் சேதுபதியின் மகளாக நடிகை கீர்த்தி ஷெட்டி நடித்திருந்தார். இந்நிலையில் பிரபல நடிகர் மகேஷ்பாபுவின் அடுத்த படத்தில் நடிகை கீர்த்தி ஷெட்டி நடிக்க உள்ளார். உப்பென்னா படத்தில் இவரது திறமையான நடிப்பை பார்த்து வியந்து மகேஷ் பாபு இந்த முடிவை எடுத்துள்ளார். ஆகையால் மகேஷ்பாபுவின் அடுத்த தெலுங்கு படத்தில் கீர்த்தி ஷெட்டி நடிக்க உள்ளார். மேலும் இப்படத்தை இயக்குனர் அனில் ரவிபுடி இயக்க உள்ளார்.