தளபதி விஜய் தனது ரசிகர்கள் மன்ற நிர்வாகிகளை இன்று சந்திக்கவுள்ளதாக தகவல் வெளியாகியுள்ளது.
தமிழ் சினிமாவின் முன்னணி நட்சத்திர நாயகனாக வலம் வரும் தளபதி விஜய் தற்போது நெல்சன் திலிப் குமார் இயக்கத்தில் “பீஸ்ட்” எனும் திரைப்படத்தில் நடித்து வருகிறார். இப்படத்தில் விஜய்க்கு ஜோடியாக பிரபல தெலுங்கு நடிகை பூஜா ஹெக்டே நடிக்கிறார். ஜார்ஜியாவில் இப்படத்தின் முதற்கட்ட படப்பிடிப்பு நடந்து முடிந்த நிலையில் அடுத்த கட்ட படப்பிடிப்பு சென்னையில் பிரம்மாண்ட செட் அமைக்கப்பட்டு நடைபெற்று வருகிறது.
இதற்கிடையில் பீஸ்ட் படத்தின் ஃபர்ஸ்ட் லுக் மற்றும் செகண்ட் லுக் போஸ்டர் வெளியாகி ரசிகர்கள் மத்தியில் நல்ல வரவேற்ப்பை பெற்றுள்ளது. இந்நிலையில் தளபதி விஜய் இன்று தனது ரசிகர்கள் மன்ற நிர்வாகிகளை சந்திக்க உள்ளதாக தகவல் வெளியாகி உள்ளது. மேலும் அவர் பனையூரில் உள்ள அலுவலகத்திற்கு அவர்களை வர அழைப்பு விடுத்துள்ளதாகவும் தெரியவந்துள்ளது.