விஜயின் ‘தளபதி65’ திரைப்படத்தின் அடுத்தகட்ட படப்பிடிப்பு குறித்து தகவல் வெளியாகி உள்ளது.
தமிழ் சினிமாவின் முன்னணி நடிகர் விஜய் தற்போது ‘தளபதி65’ திரைப்படத்தில் நடித்து வருகிறார். நெல்சன் திலீப் குமார் இயக்கும் இப்படத்தில் விஜய்க்கு ஜோடியாக பூஜா ஹெக்டே நடிக்கிறார். காதல், நகைச்சுவை, அதிரடி சண்டை காட்சிகள் என உருவாகும் இப்படத்திற்கு அனிருத் இசையமைக்கிறார். தளபதி65 திரைப்படம் கடந்த 2 வாரங்களாக ஜார்ஜியாவில் நடைபெற்று வருகிறது.
இந்த மாத இறுதிக்குள் ஜார்ஜியாவில் நடைபெறும் படப்பிடிப்பு முடியவிருகிறது. இதைத் தொடர்ந்து அடுத்த கட்ட படப்பிடிப்பை சென்னை மற்றும் ஹைதராபாத்தில் நடத்த படைக்குழு திட்டமிட்டுள்ளனர். முதலில் சென்னையில் விஜய் மற்றும் பூஜா ஹெக்டே இணைந்து நடிக்கும் பாடல் காட்சியை படமாக்க உள்ளனர் என்று தகவல் வெளியாகியுள்ளது.