விக்ரம் படம் குறித்து ரசிகர்கள் தங்களது கருத்துக்களை பதிவிட்டு வருகின்றனர்.
தமிழ் சினிமாவில் பிரபல முன்னணி நடிகராக வலம் வருபவர் கமல்ஹாசன். இவர் நடிப்பில் வெளியாகும் படங்கள் அனைத்தும் ரசிகர்கள் மத்தியில் நல்ல வரவேற்பு பெற்று வருகிறது. இயக்குனர் லோகேஷ் கனகராஜ் இயக்கத்தில் இவர் நடிப்பில் இன்று ரிலீஸாகியுள்ள திரைப்படம் ”விக்ரம்”.
இந்த படத்தில் விஜய் சேதுபதி, பகத் பாசில் மற்றும் பலர் முக்கிய கதாபாத்திரத்தில் நடித்துள்ளனர். மேலும், நடிகர் சூர்யா கௌரவ தோற்றத்தில் நடித்துள்ளார் என்பது குறிப்பிடத்தக்கது. 4 வருடங்களுக்கு பிறகு கமல் நடிப்பில் வெளியாகும் திரைப்படம் என்பதால் இந்த படத்தின் மீதான எதிர்பார்ப்பு ரசிகர்கள் மத்தியில் அதிகரித்தது.
இதனையடுத்து இந்த படத்தைப் பார்த்த ரசிகர்கள் இந்த படத்தை கொண்டாடி வருகின்றனர். முதல் பாதி வெறித்தனம் என்றும் இரண்டாவது பாதி மாஸ் என்றும் தனது கருத்துக்களை சமூக வலைதள பக்கத்தில் தெரிவித்து வருகின்றனர். மேலும், அனிருத்தின் இசையும் ரசிகர்கள் மத்தியில் பாராட்டைப் பெற்றது. முதல் நாளே நல்ல கருத்துக்களை இந்த படம் பெறுவதால் படக்குழுவினர் மிகுந்த மகிழ்ச்சியில் உள்ளனர்.