விக்ரமின் “கோப்ரா” திரைப்படம் எப்போது வெளியிடப்படும் என்று இயக்குனர் அஜய் ஞானமுத்து அறிவித்துள்ளார்.
முன்னணி நடிகர் விக்ரம் நடிப்பில் உருவாக்கியுள்ள படம் “கோப்ரா”. அஜய் ஞானமுத்து இயக்கியுள்ள இப்படத்திற்கு ஏ.ஆர்.ரஹ்மான் இசையமைத்துள்ளார். மேலும் இப்படத்தை லலித் குமார் தயாரித்துள்ளார். இப்படத்தில் ஸ்ரீநிதி செட்டி, மியா ஜார்ஜ் ஆகியோர் கதாநாயகிகளாக நடித்துள்ளனர்.
ரஷ்யாவில் நடைபெற்று வந்த கோப்ரா படத்தின் இறுதிக்கட்ட படப்பிடிப்பு கடந்த வாரம் முடிவடைந்தது. தற்போது இதன் பின்னணி வேலைகள் நடைபெற்று வருகிறது. இதற்கிடையில் கோப்ரா திரைப்படம் ரம்ஜானை முன்னிட்டு வெளியிடப்படும் என்று கூறப்பட்டது. ஆனால் படத்தின் பின்னணி வேலைகளை ரம்ஜானுக்குள் முடிக்க முடியாது என்பதால் வரும் ஜூலை மாதம் ரிலீஸ் செய்ய உள்ளதாக இயக்குனர் அஜய் ஞானமுத்து கூறியுள்ளார்.