ராஜஸ்தானில் இப்படி ஒரு தொண்டனா… குழந்தையின் பெயர் ‘காங்கிரஸ்’… வைரலாகும் சான்றிதழ்..!!

ராஜஸ்தானில் முதலமைச்சர் அலுவலகத்தில் ஊடக பிரிவில் பணி செய்து வரும் வினோத் ஜெயின், தன்னுடைய மகனுக்கு ‘காங்கிரஸ்’ என பெயர் சூட்டியுள்ளது ஆச்சர்யத்தை ஏற்படுத்தியுள்ளது.

இவருக்கு கடந்த ஆண்டு ஜூலை மாதம் ஒரு அழகான ஆண் குழந்தை பிறந்தது. இவர் தனது குழந்தைக்கு ‘காங்கிரஸ்’ என பெயர் வைத்துள்ளார். காங்கிரஸ் கட்சியின் அதிதீவிர தொண்டன் என்பதால் இவர் இப்படி காங்கிரஸ் என பெயர் வைத்தாக சொல்லப்படுகிறது.

Image result for Vinod Jain, working in the media unit at the Chief Minister's office in Rajasthan, names his son 'Congress'.

இந்தநிலையில், வினோத் ஜெயினின் குழந்தைக்கான பிறப்பு சான்றிதழை அம்மாநில அரசு இன்று வழங்கியது. அந்த சான்றிதழில் குழந்தையின் பெயர் ‘காங்கிரஸ் ஜெயின்’ என பதிவு செய்யப்பட்டிருக்கின்றது. தற்போது அந்த பிறப்பு சான்றிதழ் சமூக வலைதளத்தில் வைரலாக பரவி வருகிறது. இதனை கண்ட இணையவாசிகள் பலரும் பல விதமான கருத்துக்களை தெரிவித்து வருகின்றனர்.

இதுதொடர்பாக வினோத் ஜெயின் பேசுகையில், எங்களது குடும்பம் காங்கிரஸ் பாரம்பரியத்தை உடையது. எனது குழந்தைக்கு சரியாக 18 வயதாகும் போது காங்கிரஸ் கட்சியில் கண்டிப்பாக இணைத்து விடுவேன். முதலில் காங்கிரஸ் என இந்த குழந்தைக்கு பெயரிட என் குடும்பத்தினர் கடுமையான எதிர்ப்பை தெரிவித்தனர். ஆனால், நான் உறுதியாக இருந்தேன். முடிவில் பின் வாங்காமல் விடாப்பிடியாக இருந்து அவர்களை சம்மதிக்க வைத்து விட்டேன் என மிக்க மகிழ்ச்சியுடன் தெரிவித்துள்ளார்.

ஏற்கனவே வினோத் ஜெயினுக்கு ஒரு மகள் இருக்கிறார். 18 ஆண்டுக்கு பின் வினோத் ஜெயினுக்கு இரண்டாவது குழந்தையாக ஆண் குழந்தை பிறந்திருப்பது குறிப்பிடத்தக்கது.

Categories