இருசக்கர வாகனம் மற்றும் டாக்ஸி நேருக்கு நேர் மோதியதில் சம்பவ இடத்திலேயே வாலிபர் பரிதாபமாக உயிரிழந்துவிட்டார்.
ஈரோடு மாவட்டத்தில் உள்ள மல்லாண்டிபுரத்தில் சந்தோஷ் என்பவர் வசித்து வருகின்றார். இவருக்கு தீபக் என்ற சகோதரர் இருக்கின்றார். இந்நிலையில் சந்தோஷ், தீபக் ஆகிய இருவரும் சத்தியமங்கலத்தை சேர்ந்த குமரேசன் என்பவருடன் இருசக்கர வாகனத்தில் சென்றுள்ளனர். அப்போது எதிர்பாராதவிதமாக எதிரே வந்த டாக்சியானது இருசக்கர வாகனத்தின் மீது பலமாக மோதியுள்ளது.
இதில் பலத்த காயம் அடைந்த சந்தோஷ் சம்பவ இடத்திலேயே பரிதாபமாக உயிரிழந்து விட்டார். மேலும் படுகாயமடைந்த தீபக், குமரேசன் ஆகிய இருவரையும் அருகில் இருந்தவர்கள் மீட்டு சிகிச்சைக்காக அரசு மருத்துவமனையில் அனுமதித்துள்ளனர். அங்கு அவர்களுக்கு தீவிர சிகிச்சை அளிக்கப்பட்டு வருகின்றது. மேலும் இதுகுறித்து வழக்குப்பதிவு செய்த காவல்துறையினர் விபத்துக்கான காரணம் குறித்து தீவிர விசாரணை மேற்கொண்டு வருகின்றனர்.