நடிகர் விஷால் படத்தில் இணைந்துள்ள முக்கிய பிரபலத்தின் தகவல் வெளியாகி உள்ளது.
தமிழ் சினிமாவில் முன்னணி நடிகராக வலம் வரும் விஷால் தற்போது ‘எனிமி’ திரைப்படத்தில் நடித்து வருகிறார். ஆனந்த் சங்கர் இயக்கும் இப்படத்தில் விஷாலுக்கு ஜோடியாக மிர்னாளினி நடித்து வருகிறார்.மேலும் தமிழ் சினிமாவின் மற்றொரு முன்னணி நடிகரான ஆர்யா வில்லனாக நடிக்கும் இப்படத்தின் படப்பிடிப்பு தற்போது இறுதிக்கட்டத்தை எட்டியுள்ளது.
இப்படத்தை தொடர்ந்து விஷாலின் 31வது திரைப்படத்தை புதுமுக இயக்குனர் சரவணன் இயக்கி இருக்கிறார். இப்படத்தில் விஷாலுக்கு ஜோடியாக டிம்பிள் ஹயாதி நடிக்கிறார். இந்நிலையில் இப்படத்தில் இணையும் மற்றொரு முக்கிய பிரபலத்தின் தகவல் வெளியாகி உள்ளது. அதன்படி பிரபல டப்பிங் கலைஞரும், நடிகையுமான ரவீனா ரவி இப்படத்தில் முக்கிய கதாபாத்திரத்தில் நடிக்கிகிறார்.
இவர் மாஸ்டர் படத்தில் மாளவிகா மோகனனுக்கு பின்னணி குரல் கொடுத்திருப்பது குறிப்பிடத்தக்கது. மேலும் சமீபத்தில் வெளியான காவல்துறை உங்கள் நண்பன் திரைப்படத்தில் இவர் கதாநாயகியாக நடித்துள்ளார்.