விஷால் ”துப்பறிவாளன் 2” படத்தின் அப்டேட்டை வெளியிட்டுள்ளார்.
தமிழ் திரையுலகில் நடிகர் விஷால் முன்னணி நடிகர்களில் ஒருவராக வலம் வருகிறார். இவர் நடிப்பில் கடந்த 2017 ஆம் ஆண்டு வெளியான படம் ”துப்பறிவாளன்”. இந்த படத்தில் விஷாலுடன் இணைந்து பிரசன்னா, வினய் மற்றும் பலர் நடித்திருந்தனர். ரசிகர்களிடையே இந்தப் படம் மிகச் சிறந்த வரவேற்பை பெற்றதால் இந்த படத்தின் இரண்டாம் பாகத்தை எடுக்கத் தொடங்கினர்.
இந்த படத்தின் முதற்கட்ட படப்பிடிப்பு லண்டனில் நடந்து முடிந்த நிலையில், கருத்து மோதல் காரணமாக இந்த படத்தின் இயக்குனர் மிஷ்கின் இந்த படத்திலிருந்து விலகினார். இதனையடுத்து, மீதி படத்தை தானே இயக்க இருப்பதாக இவர் கடந்த ஆண்டு அறிவித்தார். இந்நிலையில், எனிமி படத்தின் நிகழ்ச்சியில் கலந்து கொண்ட நடிகர் விஷால்,”துப்பறிவாளன் 2” படத்தை ஜனவரியில் மீண்டும் தொடங்க இருப்பதாகவும், ஏப்ரல் மாதத்தில் இந்த படம் ரிலீசாகும் எனவும் கூறியுள்ளார்.