மின்னல் தாக்கியதால் விவசாயி ஒருவர் உயிரிழந்த சம்பவம் சோகத்தை ஏற்படுத்தியுள்ளது.
கடலூர் மாவட்டத்திலுள்ள பிரசன்னா ராமாபுரம் கிராமத்தில் கலைச்செல்வன் என்பவர் வசித்து வருகிறார். இவர் ஒரு விவசாயி. இந்நிலையில் தனது வயலில் வேலை செய்து கொண்டிருக்கும் போது திடீரென இடி, மின்னலுடன் பலத்த கனமழை பெய்த நிலையில் எதிர்பாராவிதமாக கலைச்செல்வன் மீது மின்னல் தாக்கியதால் சம்பவ இடத்திலேயே பரிதாபமாக உயிரிழந்துள்ளார்.
இது குறித்து தகவலறிந்த காவல்துறையினர் சம்பவ இடத்திற்கு விரைந்து சென்று கலைச்செல்வனின் உடலை மீட்டு பிரேத பரிசோதனைக்காக அரசு மருத்துவமனைக்கு அனுப்பி வைத்துள்ளனர். மேலும் இது குறித்து வழக்கு பதிவு செய்த காவல்துறையினர் தீவிர விசாரணை மேற்கொண்டு வருகின்றனர்.