எம்.ஜி.ஆர் சிலையின் வலது கையின் மேல் பகுதி உடைக்கப்பட்ட சம்பவம் அ.தி.மு.க தொண்டர்களிடையே பரபரப்பை ஏற்படுத்தியுள்ளது.
திருச்சி மாவட்டத்தில் உள்ள மரக்கடை பகுதியில் எம்.ஜி.ஆர் சிலை அமைக்கப்பட்டுள்ளது. இந்த சிலைக்கு அ.தி.மு.க அரசியல் அதிகாரிகள் எம்.ஜி.ஆரின் பிறந்த நாளிலும் அவரது நினைவு நாளிலும் மாலை அணிவித்து மரியாதை செலுத்தி வருவது வழக்கமாக இருந்துள்ளது. இந்நிலையில் எம்.ஜி.ஆர் சிலையின் வலது கையின் மேல் பகுதி உடைக்கப்பட்டு இருந்தது. இதனை அறிந்த அ.தி.மு.க கட்சிக்காரர்கள் அப்பகுதியில் திரண்டதால் சிறிது நேரம் பரபரப்பு ஏற்பட்டுள்ளது.
இதனால் காவல்துறையினர் அங்கு பாதுகாப்புப் பணியில் ஈடுபட்டனர். இந்நிலையில் முன்னாள் அமைச்சரும், மாவட்டச் செயலாளருமான நடராஜன் சம்பவ இடத்திற்கு சென்று சிலை உடைக்கப்பட்டு இருப்பதை பார்வையிட்டார். இந்த சம்பவம் குறித்து செயலாளர் நடராஜன் அளித்த புகாரின் பேரில் வழக்கு பதிவு செய்த காவல்துறையினர் தீவிர விசாரணை மேற்கொண்டு வருகின்றனர்.