இத்தனை தொகுதி எங்களுக்கு வேணும்…. அழுத்தம் கொடுக்கும் பாஜக…!!

அதிமுக கூட்டணியில் வரும் சட்டமன்ற தேர்தலுக்க்கான தொகுதி பங்கீடுகள் குறித்து பேச்சுவார்த்தையில் பாஜக அழுத்தம் கொடுப்பதாக செய்தி வெளியாகியுள்ளது.

தமிழக சட்டப்பேரவை தேர்தல் நடக்க இன்னும் சில மாதங்களே உள்ள நிலையில் அரசியல் கட்சிகள் தங்கள் தேர்தல் பிரச்சாரத்தை தீவிரமாக தொடங்கியுள்ளன. இதனால் தேர்தல் களம் சூடு பிடித்துள்ளது. மேலும் அதிமுக மற்றும் திமுக காட்சிகள் இருவரும் ஒருவரை ஒருவர் குறை கூறிக் கொண்டிருக்கின்றனர். இந்நிலையில் முதல்வர் எடப்பாடி பழனிசாமி டெல்லிக்கு புறப்பட்டு சென்றுள்ளார் .

இதையடுத்து அதிமுக கூட்டணியில் வரும் சட்டமன்ற தேர்தலுக்க்கான தொகுதி பங்கீடுகள் குறித்து பேச்சுவார்த்தை சூடு பிடித்துள்ளது. காங்கிரஸ் கட்சிக்கு திமுக கூட்டணியில் ஒதுக்கும் தொகுதியை விட அதிகமாக ஒரு தொகுதியாவது அதிமுக கூட்டணியில் பாஜகவுக்கு  ஒதுக்கப்படும் என அதிமுக தரப்பில் வாக்கு கொடுக்கப்பட்டுள்ளது. ஆனால் பாஜகவோ 41 தொகுதிகள் வேண்டும் என அழுத்தம் கொடுத்து வருகிறது.