‘விக்ரம்’ படம் குறித்து விஜய் சொன்னதை லோகேஷ் கனகராஜ் தெரிவித்துள்ளார்.
தமிழ் சினிமாவில் பிரபல முன்னணி நடிகராக வலம் வருபவர் கமல்ஹாசன். இவர் நடிப்பில் வெளியாகும் படங்கள் அனைத்தும் ரசிகர்கள் மத்தியில் நல்ல வரவேற்பு பெற்று வருகிறது. இயக்குனர் லோகேஷ் கனகராஜ் இயக்கத்தில் இவர் நடிப்பில் தற்போது உருவாகியுள்ள திரைப்படம் ”விக்ரம்”.
ஜூன் 3ஆம் தேதி ரிலீஸாகும் இந்த படத்துக்காக ரசிகர்கள் வெறித்தனமாக காத்துக் கொண்டிருக்கின்றனர். இந்த படத்தில் விஜய் சேதுபதி, பகத் பாசில் மற்றும் பலர் முக்கிய கதாபாத்திரத்தில் நடித்துள்ளனர். இந்த படத்திலிருந்து ”பத்தல பத்தல” பர்ஸ்ட் சிங்கிள் வெளியாகி இணையத்தில் வைரலாகி வருகிறது.
இதனையடுத்து, இந்த படத்தின் புரமோஷன் பணிகள் விறுவிறுப்பாக நடைபெற்று வருகிறது. இந்நிலையில், தனியார் சேனல் ஒன்றுக்கு பேட்டியளித்த இயக்குனர் லோகேஷ் கனகராஜிடம், ‘விஜய் சார் விக்ரம் படத்தை பார்த்தாரா?’ என கேள்வி எழுப்பப்பட்டது. அதற்கு லோகேஷ் கனகராஜ், ”அவர் பார்க்கவில்லை. விக்ரம் படத்திற்காக வெயிட்டிங் டா” என விஜய் கூறியதாக தெரிவித்துள்ளார்.