தமிழ் சினிமாவில் லேடிஸ் சூப்பர் ஸ்டாராக வலம் வருபவர் நடிகை நயன்தாரா. இவர் நடிப்பில் வெளியாகும் படங்கள் அனைத்தும் ரசிகர்கள் மத்தியில் நல்ல வரவேற்பு பெற்று வருகிறது. இவர் சினிமாவுக்கு வருவதற்கு முன்பே தொலைக்காட்சி தொகுப்பாளராக பணியாற்றினார். இதைத் தொடர்ந்து தமிழ் திரையுலகில் ஐயா படத்தின் மூலம் ஹீரோயினாக அறிமுகமானார்.
பின்னர் அனைத்து முன்னணி நடிகர்களுடன் ஜோடி சேர்ந்து நடித்து வந்தார். சமீபத்தில் இவர் இயக்குனர் விக்னேஷ்சிவனை திருமணம் செய்து கொண்டார். இந்நிலையில், இவர் தமிழ் திரைப்படத்தில் உதவி இயக்குனராக பணியாற்றியதாக தகவல் வெளியாகியுள்ளது. அதன்படி அஜித் நடிப்பில் வெளியான ‘ஆரம்பம்’ படத்தில் இவர் உதவி இயக்குனராக பணியாற்றி இருப்பதாக கூறப்படுகிறது.