“என்ன மாதிரி ஒரு நல்லவளும் கிடையாது, கெட்டவளும் கிடையாது”….. ஆத்திரத்தில் கத்தும் ஜனனி….. வைரலாகும் ப்ரோமோ…..!!!!

விஜய் டிவியில் ஒளிபரப்பாகும் பிக் பாஸ் நிகழ்ச்சிக்கு ஏராளமான ரசிகர்கள் இருக்கிறார்கள். கடந்த 9-ம் தேதி முதல் பிக்பாஸ் சீசன் 6 நிகழ்ச்சி தொடங்கி நடைபெற்று வருகிறது. இந்த நிகழ்ச்சியை உலகநாயகன் கமல்ஹாசன் தொகுத்து வழங்க 20 போட்டியாளர்கள் களமிறங்கினார். அதன்பிறகு வைல்ட் கார்டு என்ட்ரியில் மைனா நந்தினி வீட்டிற்குள் வந்தார். கடந்த வாரம் சாந்தி எலிமினேட் செய்யப்பட்ட நிலையில், ஜிபி முத்து தானாக முன்வந்து வீட்டை விட்டு வெளியேறினார். இந்நிலையில் நிகழ்ச்சியின் புதிய ப்ரோமோ ஒன்று தற்போது வெளியாகியுள்ளது.

அந்த ப்ரோமோ படி போட்டியாளர்களுக்கு நீயும் பொம்மை நானும் பொம்மை என்ற ஒரு டாஸ்க் கொடுக்கப்படுகிறது. அதன்படி 19 பொம்மைகள் வைக்கப்பட்டிருக்கும். இதில் 18 பொம்மைகள் போட்டியாளர்களால் எடுத்து ஒரு அறையில் வைக்கப்பட்டிருக்கும். ஆனால் ஒரே ஒரு பொம்மை மட்டும் எடுக்கப்படாமல் இருக்கும். எந்த பொம்மை எடுக்கப்படாமல் இருக்கிறதோ, அந்த நபர் கேமை விட்டு வெளியேற்றப்படுவார்.

அப்போது ஜனனியின் பொம்மையை போட்டியாளர்கள் எடுக்கவில்லை. இதனால் ஆத்திரத்தில் ஜனனி என் கூட நல்ல மாதிரி பழகினால் என்ன மாதிரி ஒரு நல்லாவ இருக்க முடியாது. ஆனா என்ன சண்டைக்கு இழுத்தா என்ன மாதிரி ஒரு கெட்டவனும் இருக்க முடியாது என்று கத்துகிறார். மேலும் இந்த ப்ரோமோ வீடியோவானது தற்போது வைரலாகி வருகிறது.